Маңғыстауда ақындар айтысы жеңімпаздары марапатталды

Маңғыстау облысының мәдениет, тілдерді дамыту және архив ісі басқармасының "Маңғыстау облыстық ғылыми-әдістемелік және мәдени қызмет көрсету орталығының" ұйымдастыруымен «Рухани жаңғыру» бағдарламасы, «Парасат жолы» жобасы аясында, ҚР Тәуелсіздігіні 30 жылдығы, Н.Шыршығұлұлының 190 жылдық, Қ.Күржіманұлының 180 жылдық, Ж.Жабаевтың 175 жылдық мерейтойларына арналған «ТӘУ ЕТЕРІМ — ТӘУЕЛСІЗДІК!» атты облысаралық жас ақындар айтысы өтті.

Маңғыстау облысы әкімінің бастамасымен ұйымдастырылған айтыстың мақсаты – еліміздің тәуелсіздік жылдарында қол жеткізген құндылықтарын, өңірде жүзеге асырылып жатқан жасампаз жобаларды, ықылым замандардан бері сарқылмаған рухани қазынасын дәріптеу; ақын, жыршы-жыраулар Қашаған Күржіманұлының, Жамбыл Жабаевтың, Нұрым Шыршығұлұлының шығармаларын дәріптеу; Маңғыстау айтыс мектебінің шығармашылық әлеуетін насихаттау, республика аумағындағы талантты, дарынды жас ақындардың ақындық шеберлігінің шыңдалуына, көпшілікке танылуына мүмкіндік жасау; айтыс өнерін мәдениетіміздің баға жетпес асыл мұрасы ретінде халыққа жан-жақты насихаттап, оның дамуына мемлекеттік деңгейде қолдау көрсету.

Аламан айтысты ақын Нұрлан Мұсаев жүргізді.

Ақындар айтысына Қадыр Мырза-Әлі атындағы мәдениет және өнер орталығының директоры, Қазақстан Жазушылар одағы Батыс Қазақстан облысы филиалының директоры, айтыс ақындары мен жыршы термешілері халықаралық одағының Батыс Қазақстандағы өкілі - Бауыржан Ергенұлы Халиолла;

Филология ғылымдарының кандидаты, Шахмардан Есенов атындағы Каспий мемлекеттік технологиялар мен инжиниринг университетінің профессоры - Әділет Дыбысұлы Қабылов;

Жазушы, сатирик, композитор - Ерекен Қорабаев;

Айтыскер ақын, "Нұрпейіс" ақындар мектебінің жетекшісі – Марат Сәрсенбайұлы Ахметов;

Айтыскер ақын, «Жыр-жебе» ақындар мектебінің жетекшісі - Фархад Әбуғалиұлы Мусаев төрелік етті.

Айтысқа Маңғыстау және Ақтөбе облыстарынан 10 жас ақын қатысты. Олардың қатарында Ақтөбе облысынан - Қайырхан Жұбаниязов, Нұрбол Жауынбаев, Шынарбек Тұрсын, Жаңажол Мұқан, Айболат Көшкінбай; Маңғыстау облысынан - Алшын Суемов, Ердәулет Сардар, Мейірбек Саламатов, Қайырбек Теңел, Жанболат Әлиев сынды жас ақындар бар.

Сайыс қорытындысы бойынша қазылар алқасының шешімімен Бас жүлдені маңғыстаулық ақын - Алшын Суемов жеңіп алды. Жүлде қоры - 300 000 теңге.

I орын – Шынарбек Тұрсын – Ақтөбе облысы, жүлдесі - 200 000 теңге;

II орын – Нұрбол Жауынбаев – Ақтөбе облысы, жүлдесі - 150 000 теңге;

III орын – Ердәулет Сардар – Маңғыстау облысы, жүлдесі - 100 000 теңге ие болды.

Келесі қатысушылар ынталандыру сыйлығына ие болды:

1. Жаңажол Мұқан – Ақтөбе облысы;

2. Жанболат Алиев – Маңғыстау облысы;

3. Қайырбек Теңел – Маңғыстау облысы;

4. Айболат Көшкінбай – Ақтөбе облысы;

5. Қайырхан Жұбаниязов – Ақтөбе облысы;

6. Мейірбек Саламатов – Маңғыстау облысы.

Жүлде қоры – 50 000 теңгеден.