Маңғыстауда 26 қазаннан бастап кинотеатрлар ашылады

Маңғыстауда кинотеатрлар мен спорт залдары жұмысын қайта бастайды. Бұл туралы Маңғыстау облысының бас санитар дәрігері Ғазиз Надуев мәлімдеді, - деп хабарлайды mangystaumedia.kz сайты.

Маңғыстау облысында 23 қазан 00:00 сағаттан бастап карантин талаптары жеңілдейді.

Облыстың бас санитар дәрігерінің 21 қазандағы жаңа қаулысына сәйкес, енді Маңғыстаудағы сауда үйлері, сауда ойын-сауық орталықтары және жабық базарлар сенбі күндері 17:00-ге дейін жұмыс істейді. Ал жексенбі күні аталған кәсіпкерлік нысандар жұмыс істемейді.

Спорт залдары қашықтықты сақтап, бетперде режимін ұстанып толымдылығы 30% - дан аспайтын адаммен өз қызметін жандандыруға рұқсат берілді.

Сондай-ақ аталған қауіпсіздік шараларын сақтап 26 қазаннан бастап кинотеатрлар өз жұмысын бастайды. Жұмыс күндері сағат 22:00 - ге дейін, сенбі күні 17:00 - ге дейін жұмыс істеуге рұқсат. Ал жексенбі күні жұмысын тоқтатады.

Маңғыстауда әлі де балабақшалар (кезекші топтардан бөлек), бильярд, компьютер клубтары, ойын-сауық мекемелері мен банкет залдары және түнгі клубтардың жұмыс істеуіне тыйым салынған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.