Елде 65 жастан асқан адамдардың сыртқа шығуына шектеу қойылады

ҚР Премьер-Министрі Асқар Маминнің төрағалығымен өткен Мемлекеттік комиссия отырысында азаматтардың жүріп-тұруы бойынша нақты шектеу шаралары бекітілді, - деп хабарлайды mangystaumedia.kz сайты.

Атап айтқанда, мынадай шешім қабылданып отыр:

1. Ойын-сауық, спорт және басқа да бұқаралық іс-шараларды, сондай-ақ отбасылық, еске алу шараларын өткізуге тыйым салу;

2. Ашық ауада жаттығу жасауға рұқсат ету;

3. Тұрғындардың көшеде, саябақта, скверде 3 адамнан артық серуендеуін шектеу;

4. 65 жастан асқан адамдардың сыртқа шығуын шектеу.

Еске сала кетейік, бүгін Мемлекеттік комиссия эпидемиологиялық жағдайды тұрақтандыру жөніндегі шараларды бекіткен болатын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.