Жаңаөзенде Toyota сервис орталығы ашылды

Жаңаөзен қаласында Toyota сервис орталығы ашылды. Орталық Toyota брендінің халықаралық стандарттарына сәйкес сапалы сервистік қызмет көрсетеді, деп хабарлайды mangystaumedia.kz.

Автоорталықта шоу-рум, төрт посты бар сервис аймағы, көлік жуу аймағы орналасқан. Сервистік орталықты ашу арқылы он бір адамға жаңа жұмыс орындары құрылды.

"Жаңаөзен Тойота Сервисі" 2S – Service & Spare Parts тұжырымдамасы негізінде жұмыс істейді, ол сервистік қызмет көрсетуді, сондай-ақ өндірушінің ресми кепілдігімен Toyota автокөліктеріне арналған түпнұсқалық қосалқы бөлшектерді сатуды көздейді. 2S форматы "Клиент бірінші орында" атты "Тойота Мотор Қазақстанның" басты корпоративтік қағидаттарының бірін қамтиды.

2S автоорталықтарының тұжырымдамасын әзірлеушілердің алдына қойған негізгі міндет – шағын қалалар мен шалғай аймақтардың тұрғындарын Toyota сервисінің жоғары деңгейімен қамтамасыз ету.

"Жаңаөзен Тойота Сервисі" "Ақтау Тойота орталығының" уәкілетті дилерінің бірінші дербес сервистік орталығы ретінде танылады. Бұл автокөлік иелері үшін брендтің барлық талаптары мен стандарттарына толық сәйкес келетін жоғары сапалы қызметке қол жеткізуді ғана емес, сонымен қатар автокөлікті сатып алуға деген бұрынғыдан да кеңірек мүмкіндіктерді білдіреді. "Ақтау Тойота орталығында" жаңаөзендік автоәуесқойлар жаңа автокөлікке тапсырыс бере алады немесе өзінің жүрілген автокөліктерін жаңа Toyota-ға ауыстыру бойынша Trade-In қызметін пайдалана алады. Жаңа автокөліктердің кілттері үшін облыс орталығына барудың қажеті жоқ – жаңа автокөліктерді беру "Жаңаөзен Тойота Сервисінде" жүргізілетін болады. Осында автокөлік иелері өз автокөліктерін Toyota Tested бағдарламасы бойынша тексерілген жүрісі бар автокөлікке айырбастай алады.

"Тойота Мотор Қазақстан" Президенті Кит Мэтью Симмонс мырза компания шалғай қалаларда өз клиенттеріне ыңғайлы болу үшін барлық қажетті шешімдерді енгізетінін атап өтті. Сондықтан автомобиль иелеріне бренд стандарттары бойынша қызмет көрсету сапасының жоғары деңгейін қамтамасыз ету үшін шағын қалаларда Toyota сервистік орталықтарының желісін ашу туралы шешім қабылданды.

Orbis Auto автокөлік тобының бас директоры Динара Ысқақова жаңа сервис-орталықтың ашылуы өңірдің көлік инфрақұрылымын дамыту үшін үлкен маңызға ие деп санайды. "Қазақстан өңірлерінде, әсіресе, өнеркәсіп пен өндіруші сала дамыған жерлерде сапалы және сенімді автосервиске деген қажеттілік жоғары. Батыс облыстарда бірнеше Toyota дилерлік орталықтары бар және Жаңаөзен сервиске жоғары сұранысқа ие маңызды локациялардың бірі", деп атап өтті ол.

Өткен жылы Toyota сервистік орталықтары Қызылорда, Теңіз және Ақсайда ашылды. "Жаңаөзен Тойота Сервисі" – еліміздегі Toyota ресми дистрибьюторы үшін 2S форматындағы төртінші және Orbis Auto автомобиль тобы үшін бірінші қазақстандық сервис орталығы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.