Дәрігер Мейрамкүл Құдиярова өмірден озды 

Бұл туралы Маңғыстау облысы денсаулық сақтау басқармасының баспасөз қызметі хабарлады.

Мейрамкүл Құдиярова Жәмішқызы 1990 - 2007 жылдар аралығында Маңғыстау облыстық көпбейінді балалар ауруханасының бас дәрігері болды. Ол 1949 жылы туған. Алматы мемлекеттік медицина институтын 1972 жылы бітіріп, бір жыл Атырау қаласында учаскелік дәрігер болып жұмыс істеген. Содан кейін Хабаровск қаласында мектепке дейінгі мекемелерде дәрігер болып жұмыс істеді (әскердегі жұбайының міндетті қызмет орны бойынша), 1975 жылдан 1984 жылға дейін Маңғышлақ облысының Денсаулық сақтау басқармасында бас педиатр қызметін атқарған, 3 жыл дәрігер-инспекторы болып, одан кейін 6 жыл облыстық денсаулық сақтау басқармасының балалар және босандыру ісі жөніндегі орынбасары болып жұмыс істеді.

1984 жылдан бастап облыстық балалар ауруханасында, басында ересек балалар бөлімшесінің меңгерушісі болып жұмыс істеді. 1990 жылдан бастап зейнет жасына дейін, яғни 2007 жылдың 27 қарашасына дейін бас дәрігер болып жұмыс істеді, балалар кардиологиясы бойынша қосымша қызмет атқарды.

1990-2007 жж. аралығында аурухананың материалдық-техникалық базасы нығайтып, жөндеу жұмыстары жүргізіп, медициналық аппаратурамен жабдықталуы жақсарды, ол үшін мұнайшылардың демеушілік көмегі ішінара тартылды. Аурухана 2001 жылы "Әйел басқаратын үздік кәсіпорын" республикалық байқауына қатысып диплом иемденді.

Жұмыстағы жетістіктері үшін үкіметтік наградалармен марапатталды: "Қазақстан Тәуелсіздігіне 10 жыл" (2001ж), "Ерен еңбегі үшін" (2002ж). 1988 жылдан бастап денсаулық сақтау ісінің үздігі," Қазақстан Парламентіне 10 жыл " (2006ж.). Денсаулық сақтауды ұйымдастырушы ретінде және клиникалық жоспарда өз біліктілігін үнемі арттыра отырып, денсаулық сақтауды ұйымдастыру мәселелері бойынша 4 рет, педиатрия, кардиоревматология мәселелері бойынша 4 рет мамандандырылды. Бірінші санатты кардиолог.

Ауруханада диагностика мен емдеудің жаңа әдістері, диагностика мен емдеудің халықаралық хаттамалары енгізілді. Жұмыс барысында соңғы 3 жылда аурухана қызметінің сапалық көрсеткіштері жақсарды: ауруханалық өлім-жітім 0,9-ға дейін төмендеді, емделген науқастардың саны артты, хирургиялық белсенділік артты, балалар төсектері тиімді пайдаланылды. 1999 жылдан бастап облыстық мәслихаттың II-III шақырылымының депутаты, Әлеуметтік мәселелер, заңдылық пен құқықтық тәртіпті сақтау жөніндегі тұрақты комиссияның төрағасы қызметін атқарды.

Мейрамкүл Жәмішқызының отбасына және жақындарына қайғырып көңіл айтамыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.