Маңғыстау облысы бас санитар дәрігерінің жаңа қаулысы шықты

8 маусымнан бастап Маңғыстауда карантиндік шаралар күшейтіледі, деп хабарлайды МО ҚКО.

Маңғыстау облысында СOVID-19 коронавирустық инфекциясымен сырқаттанушылық деңгейі 7%-дан өсуі және эпидемиологиялық жағдайдың күрделенуіне байланысты Маңғыстау облысының Бас мемлекеттік санитариялық дәрігері №37 Қаулысына сәйкес:

Келесі нысандардың жұмысы тоқтатылады:

- кинотеатрлардың, театрлардың, көрмемелердің, интернет және

компьютерлік клубтардың, ойын ұйымдарының;

- түнгі клубтар, кальян барлардың;

- ойын-сауық нысандардың (букмекерлік, бильярд, караоке, ps-клубтар,

квест, боулинг-орталықтар және т. б.);

- 30 орындықтан асатын мейрамханалардың, кафелердің,

тойханалардың;

- моншалардың және сауналардың (жеке нөмірлерді, кабиналарды қоспағанда);

- балалар аттракциондарының.

Ал, келесі қызметтерге шектеу қойылады:

- облыс тұрғындарының қалалар, аудандар, ауылдар арасына қатынауына;

- таңертең сағат 06:00-ден сағат 10.00-ге дейін, кешкі сағат 17:00-ден сағат 21:00-ге дейін рұқсат ете отырып, қалаларда, аудандарда ішкі қоғамдық көліктің жұмысына,

- ойын-сауық, өзге де қоғамдық шараларға, сондай-ақ отбасылық, еске алу шараларын өткізуге;

- кәмелетке толмағандардың ересектердің бақылауынсыз өздігінен жүруіне;

- барлық жерде бетпердесіз жүрмеуге, халық көп жүретін жерлерде, соның ішінде қоғамдық көліктер мен дүкендерде;

- мешіттерде жамағаттың қатысуымен жұма намаз өкізуге (күшейтілген санитариялық-дезинфекциялық режимді сақтай отырып, әр кісінің құлшылық жасау орны 1,5 метр қашықтықта сай етіп белгіленсін).

Карантиндік іс-шаралардың тәртібі мен мерзімдері COVID-19 коронавирустық инфекциясының таралу жағдайының өзгеруіне сәйкес өзгертілуі мүмкін.