Мемлекеттік қызметшінің әдебі

Елбасының «100 нақты қадам» Ұлт Жоспары шеңберінде Қазақстан Республикасы Президентінің 2015 жылғы 29 желтоқсандағы №153 «Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы» Жарлығымен бекітілген, Қазақстан Республикасы мемлекеттік қызметшілерінің Әдеп кодексі (Мемлекеттік қызметшілердің қызметтік әдеп қағидалары) қабылданды. Бұл кодекс халықтың мем­ле­кеттік органдарға сенімін ны­ғайтуға, мемлекеттік қыз­мет­те өзара қарым-қатынастың жоғары мәдениетін қалып­тас­тыруға, мемлекеттік қыз­мет­­шілердің әдепсіз мінез-құл­қының алдын алуға ба­­­ғыт­талып, мемлекеттік қызметшілердің моральдық-әдептілік бейнесіне жоғары талаптар қояды.

Мемлекеттік қызметшілердің Әдеп кодексі 5 тараудан тұрады. мемлекеттік қызметшінің мінез-құлқының жалпы стандарттары, қызметтік қатынастардағы және одан тыс уақыттағы, көпшілік алдында, оның ішінде бұқаралық ақпарат құралдарында сөйлеумен байланысты мінез-құлық стандарттары қарастырылған. Осы тарауларда мемлекеттік қызметшілердің моральдік бет-бейнесі мен этикасына айрықша көңіл бөлінетіндігін атап өткен жөн. Осы талаптарға сәйкес мемлекеттік қызметшілер жұмыс уақытынан бос уақыттарында да Әдеп кодексін қатаң ұстауы міндетті. Қызметкер барынша сыпайы, өзінің лауазымдық артықшылығын жеке басының пайдасы үшін қолданбайтын, адал, кез-келген сәтте сабырлы, ұқыпты болғаны жөн. Мемлекеттік қызметшілердің жеке өмірінде де тиісті заң талаптарына толық сай болып, өз ісімен өзгеге үлгі болуды естен шығармағаны дұрыс. Сондай-ақ мемлекеттік қызметтің өзіндік ерекшелігі- мемлекеттік қызметшілердің сыртқы келбетіне ерекше талап қоюында. Сондықтан да мемлекеттік қызметшілердің моральдік бет-бейнесі мен этикасына сырт келбеті де сай болуы қажет.

Маңғыстау облысы бойынша қазынашылық Департаментінде қызметкерлермен қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнамалары мен Қазақстан Республикасы мемлекеттік қызметшілерінің әдеп кодексін бұзушылықтардың профилактикасын қамтамасыз ету мақсатында жүйелі түрде іс-шаралар өткізілуде. Департамент қызметкерлері әдеп нормаларын мінсіз сақтау - қызметіміздің оң нәтижелеріне әсер тигізетіндігін жақсы түсіне отырып, мемлекеттік қызметші беделін әрқашан да жоғары ұстауға жұмыстана бермек.

Ж.Бердиева,

Маңғыстау облысы бойынша қазынашылық департаменті басшы орынбасары

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.