Елордалық оқушы плющ Лигасының екі университетіне оқуға түсті

Халықаралық бакалавриат (IB) Назарбаев Зияткерлік мектебінің оқушысы Аделина Елемесова плющ Лигасының екі бірдей университетіне оқуға түсті. Бұл туралы Ақтаудағы Назарбаев Зияткерлік мектебінің баспасөз қызметі мәлімдеді, - деп хабарлайды mangystaumedia.kz сайты.

Плющ Лигасының Колумбия және Корнелл университеттері қазақстандық түлекті студент ретінде қабылдауға дайын. Бұл жаңалық Елемесовтер отбасына наурыз айында жеткен болатын. Ресми хатта елордалық оқушы Аделинаның әлемдегі ең беделді университеттерге қабылданғаны жазылған.

Сонымен қатар Northwestern University (АҚШ), Amherst College (АҚШ), YaleNUS (Сингапур), Duke Kunshan University (Қытай) оқу орындарынан да шақырту алды.

Қазіргі таңда Аделина Елемесова қай университетте оқу керек екендігіне таңдау жасап жатыр. Десе де ол өзінің болашақ мамандығын ғылым және жасанды интеллектпен байланыстыратынын айтты.

Айта кетейік, Нұр-Сұлтан қаласындағы Халықаралық бакалавриат (IB) Назарбаев Зияткерлік мектебінің 12-сынып оқушысы Аделина Елемесова – еріктілер қозғалысының және TEDx жобалардың белсенді қатысушысы, теннистен қалалық және республикалық турнирлердің чемпионы.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.