Маңғыстаудың тумасы Шымкентте лауазымды қызметке тағайындалды

Ақтаудың тумасы Рзабек Меңдіқұлов Шымкент қаласының энергетика және инфрақұрылымды дамыту басқармасына басшы болды, деп хабарлайды mangystaumedia.kz сайты Kazinform агенттігіне сілтеме жасап.

Рзабек Меңдіқұлов 1988 жылы Маңғыстау облысы, Ақтау қаласында дүниеге келген. Ол Ломоносов атындағы Мәскеу академиясын «химиялық технологиялар және биотехнологиялар» мамандығы бойынша тәмамдаған.

2011-2014 жылдары Мәскеудегі мұнай компанияларында басшылық қызметтерді атқарған. Қазақстан Республикасы Энергетика министрлігінде бөлім меңгерушісі, ҚР Президенті Әкімшілігінің әлеуметтік-экономикалық мониторинг бөлімінің консультанты, мемлекеттік бақылау және аумақтық бақылау бөлімінің инспекторы болып жұмыс істеді. Сондай-ақ, Қазақстан Республикасы Президенті Әкімшілігінің мемлекеттік инспекторы қызметін де атқарды.

2023 жылдың қараша айынан бастап Рзабек Меңдіқұлов «Қуатжылуорталық-3» мекемесінің директоры қызметін атқарды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.