Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау ауданы әкімі Т.Көшмағанбетовтың өкімімен Шетпе ауылының әкімі болып Шаров Асылбек Хамзаұлы тағайындалды, - деп хабарлайды mangystaumedia.kz сайты.
Асылбек Хамзаұлы 1983 жылы Шетпе ауылында дүниеге келген. Білімі – жоғары. 2006 жылы М.Оспанов атындағы Батыс Қазақстан мемлекеттік медициналық академиясын, 2016 жылы КАЗГЮУ-ді бітірген. Дәрігер - гигиенист, эпидемиолог және құқықтану мамандықтары бойынша жоғары білім алған.
Еңбек жолын 2006 жылы Жаңаөзен қалалық мемлекеттік санитарлық-эпидемиологиялық қадағалау басқармасынан бастаған. Онда санитарлық-гигиеналық қадағалау бөлімінің бас маманы қызметін атқарған. Әр жылдары Қарақия аудандық мемлекеттік санитарлық-эпидемиологиялық қадағалау басқармасының бастығы, Жаңаөзен қалалық Қоғамдық денсаулық сақтау басқармасының басшысы, Түпқараған аудандық Қоғамдық деңсаулық сақтау басқарма басшысы қызметтерін атқарған.
2019 жылдың наурыз айынан бастап Маңғыстау ауданы әкім аппараты, ұйымдастыру-бақылау және құжаттамалық қамтамасыз ету бөлімінің бас маманы болып қызмет атқарды.
Жұлдызай ҚАЛИЕВА
Сурет Маңғыстау ауданы әкімдігінің фейсбук парақшасынан алынды
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.