Қазақ жылқысы Дубайдағы бәйгеде топ жарды

12 қаңтар күні Дубайдағы Мейдан ипподромында өткен бәйгеде қазақстандық Кабирхан есімді сәйгүлік топ жарды, - деп хабарлайды mangystaumedia.kz сайты ҚазАқпаратқа сілтеме жасап.

Жарысқа 13 ат қатысты, ереже бойынша олар 2000 метрді бағындыруы керек. Негізгі жарыс жолында Кабирхан мәреге бірінші жетті. Қазақ айғырының жанкүйерлері әлеуметтік желіде жеңістің видеосын жариялады.

– Қазақтың Кабирхан атты жылқысы Дубайда өткен дүниежүзілік ат жарысында тұңғыш рет жеңіске жетті. Бұл сенсация», - деді видео авторы.

Енді айғыр қыста тынығады, екі аптадан кейін ол Al Maktoum Challenge екінші кезеңінде бақ сынайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.