Маңғыстау облысының индустриялық-инновациялық даму басқармасы 2017 жылғы 18-19 сәуірдегі Түрікменстан Президенті Гурбангулы Бердымұхаммедовтің Қазақстан Республикасына мемлекеттік сапарының қорытындысы бойынша Қазақстан Республикасының Президенті Нұрсұлтан Назарбаевтың тапсырмасына сәйкес, Маңғыстау облысы мен Балқан уәлаяты арасындағы байланысты нығайтуға негізделген өзара достық, ынтымақтастық сапарына арналған өлке өнер шеберлері мен көрші түрікмен елінің өнерпаздарымен біріккен концерті өтті.
Сапар барысында Маңғыстау облысы әкімі Е. Тоғжанов пен Балқан уәлаяты әкімдері сөз сөйлеп, екі ел арасындағы өзара экономикалық ынтымақтастықты және мәдени байланысты нығайта түсуге шақырды. Кештің көрермендері арасында өлкемізден барған делегация өкілдері, облыстық әкімшілік, мәдениет басқармасы өкілдері, кәсіпкерлер және облыстық мәслихаттың депутаттары болды. Концерттік бағдарламада діні бір, тілі туыс түрікмен мен қазақ елінің әндері орындалды.
«Ақжарма» фольклорлық ансамблінің сүйемелдеуімен би тобы «Жайлауда» биін, түрікмен композиторы Р. Реджеповтың «Саңа» әнін Республикалық дәстүрлі әншілер байқауының жеңімпазы Сәбит Шектібаев пен түрікмен әншісі Алдоза Палтаева орындады. Ш. Қалдаяқовтың «Сәлем Қазақстан» әнін мәдениет саласының үздіктері Асқар, Асанәлі Көшеровтер, Ақтанның термесін «Жас қанат» республикалық байқауының бас жүлдегері Аида Байгелова орындап, көпшілікке көтеріңкі көңіл-күй сыйлады.
Сондай-ақ мәдениет күндерінде бауырлас екі елдің арасында ежелден орнаған достықтың айғағындай қазақ пен түрікмен әншілері бірігіп ән шырқап, бауырлас түбіміз бір түркі елдерінің ауызбіршілігі мен ынтымақтастығын жырлады. «Ақжарма» фольклорлық ансамблінің сүйемелдеуінде би тобы орындаған қазақтың «Шалқыма», «Шолпы» биі, «Арна» тобы түрікменнің «Гөзел» әнін, «Dagdan» түрікмен фольклорлық би тобы бірігіп орындады.
ТАҒЫ ОҚЫҢЫЗ: Онды ауылына Әбіш Кекілбайұлы атауы берілмекЕкі ел өнерпаздары бірігіп өткізген концертте түр”кмен халқының халық биі «Куйштепті» биін түрікмен-қазақ бишілері қосылып билеп көпшіліктің ыстық ықыласына бөленді. Концерттік кешті ҚР мәдениет қайраткері Ж. Көшкінов пен өлкеміздің өнерпаздары қосыла орындаған Е. Хасанғалиевтің «Атамекен» әнімен аяқтады.
Осы сапарға өлкемізден 120 адам қатысып, екі ел арасындағы ынтымақтастық пен достыққа арналған мерекелік концертке 520-дай көрермен қамтылды.
Үміт ЖӘЛЕКЕ
[gallery td_select_gallery_slide="slide" ids="52432,52431,52430,52429,52434,52433"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
