«ДАМУ» медиа мектебі алғашқы концертін берді

Нұрмұхан Жантөрин атындағы музыкалық драма театрында 5 ай бұрын ашылған «Даму» медиа мектебі Наурыз мейрамына орай алғашқы концертін өткізді. Медиа мектеп - өскелең ұрпақты шешендік өнерге, актерлік шеберліке, сахна тіліне, камера алдында жұмыс жасауға және вокал пәнінен ән айтуға үйретеді. Жақында ғана медиа мектептен 3 оқушы - Бағдат Келдібай, Жұлдызай Меңдібай,  Мейіржан Бекежанов Египет елінің Хургада қаласында өткен «TV START WORLD»-2018 халықаралық фестивалінен түрлі жас ерекшелігімен 3 бірдей Бас жүлде (Гран-при) алып келді. Халықаралық доданың әділқазылар алқасында болған медиа мектеп басшысы, ҚР журналистер одағының мүшесі Гүлнұр Жадрина  қазақ елінің атынан қатысты. Фестивальге 15 елден 30-ға жуық бала қатысты.

5 айдың ішінде осындай жетістікке жетіп үлгерген «Даму» медиа мектебінің тұңғыш концертіне медиа мектептің барлық оқушылары, ата-аналар қатысты. Маңғыстау облысы  әкімінің орынбасары Мақсат Сқақовтың атынан медиа мектептің ұжымына және халықаралық додада жеңіске жеткен 3 оқушыға алғыс хаттар табысталды.

Кешке қадірлі қонақ ретінде қатысқан - кәсіпкер, меценат Ұлбосын Ахметова, Маңғыстау облысы мәслихатының депутаттары Абзал Меңдібаев пен Аббат Өрісбаев, Маңғыстау облысы мәдениет басқармасының басшысының орынбасары Гүлнар Базаралиева,  «Нұр-шах» брендінің негізін қалаушы Нұржамал Нұрпейісова, танымал халық емшісі Айнұр Асқарқызы, «Жас батыр» спорт мектебінің директоры Манарбек Бисекенов, ІТ сарапшы, «Тимур академи» оқыту орталығы басшысы Тимур Бектұр, ғылыми-зерттеу орталығының директоры Нәзира Раманқұлова  және т.б. концертке қатысушы балалардың өнерін бағалаушы қазылар алқасының қызметін атқарды.

Кеш шымылдығын ашқан «Даму» медиа мектебі мүшелерінің құттықтау музыкалық сәлемінен соң,  Гүлнұр Жадрина көпшілікке алғыс тілегін арнады. Маңғыстау облысы мәдениет басқармасының басшысының орынбасары Гүлнар Базаралиева облыс әкімі атынан халықаралық жарыстан жас ерекшеліктері бойынша «Жас жүргізуші», «Жас тілші» номинацияларынан жүлделі оралған № №13 мектеп гимназия оқушысы  Бағдат Келдібай, №11 мектеп оқушысы Жұлдызай Меңдібай, Мұнайлы ауданының мектеп оқушысы Мейіржан Бекежановқа алғыс хат тапсырды.

ТАҒЫ ОҚЫҢЫЗ: Ақтауда психологиялық-педагогикалық түзеу кабинеті ашылды

Мерекелік концертте ән айтылып, би биленді, сондай-ақ, 6 топ 6 түрлі балаларға арналған қойылымнан үзінді көрсетіп, көрермендер ықыласына бөленді. Зал көреремендерге лық толы болды. Спектакльден үзінді қойған 6 топтың ішінен ең үздік болып танылған 6 оқушыға қадірменді қонақтар сый-сияпаттар табыс етті.

Концерт соңында оқушылар медиа мектептің гимнін қосыла шырқады.

Үміт ЖӘЛЕКЕ Суреттерді түсірген Талант ҚҰСАЙЫН

[gallery td_select_gallery_slide="slide" ids="50980,50982,50981,50983,50984"]