ҰҚК Шекара қызметі Каспийде 120 браконьерлік қылмыстың алдын алды

ҰҚК Шекара қызметі Мемлекеттік шекараны күзету мен қорғауды қамтамасыз ету аясында биыл сәуір айында жүргізілген жұмыстардың нәтижесін жариялады, - деп хабарлайды mangystaumedia.kz.

ҚР ҰҚК шекара қызметінің баспасөзінің хабарлауынша, Каспий акваториясында 120 браконьерлік қылмыстың жолы кесілген.

«Сондай-ақ, браконьерлерден 54 дана жүзу құралдары, жалпы ұзындығы 244,6 км торды құрайтын браконьерлік аулау құралдары, 1 226 дана (6 тонна) бекіре тұқымдас балықтар, 98 428 дана (61 тонна) таза тұқымдас балықтар, 63 дана (1 тонна) итбалықтар табылған. Залал сомасы – 2,3 млрд теңгені құраған», - деп жазылған хабарламада.

Бұл фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді.

Айта кетейік, жалпы шекара кеңістігінде 3 186 ҚР заңнамаларын бұзғандар анықталған. Оның ішінде, шекараны бұзғаны үшін 38 шетел азаматы, бұзуға әрекеттенгені үшін 29 шетел азаматы ұсталған.

Мемлекеттік шекара арқылы 1 342 заңсыз алып өту фактілерінің алды алынған. Соның ішінде, жалпы салмағы 780 кг-дан жоғары 49 есірткі заттары, 36 ату қаруы мен оқ-дәрілер (17 дана жарылғыш жұмыстар үшін компоненттер, 3 дана ату, 3 дана зақым келтіру және 17 дана суық қарулары, 81 дана оқ-дәрілер), 38 діни-әдеби факті (842 дана), жалпы сомасы 12 млн теңгеден асатын 341 жанар-жағармай материалдары, 3,4 млрд теңгеден астам халықтың тұтынатын тауарлары анықталған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.