Өткен аптада қаламызда жол ережесін бұзудың 1917 дерегі анықталған. Ақтау қаласы бойынша көлік құралын масаң күйде басқарған он бір жүргізуші жауапкершілікке тартылып, 234 автокөлік құралы арнайы айыптұраққа жабылған, - деп хабарлайды mangystaumedia.kz.
МО полиция департаментінің мәліметінше, учаскелік полиция инспекторларымен жеті күнде тыныштықты бұзған 107 азаматқа, қоғамдық орындарда алкоголь өнімдерін тұтынған 112 құқық бұзушыға қатысты әкімшілік хаттамалар жасақталған.
«Кәмелетке толмаған жасөспірімдер түнгі мезгілде тұрғынжайдан тыс жүргені үшін 175 заңды өкілге айыппұл салынды. Жедел басқару орталығының қызметкерлерімен бейнебақылау камералары арқылы 660 әкімшілік құқық бұзушылық тіркелді. “102” желісі операторлары түрлі сипаттағы 5347 хабарламаны қабылдады. “Сергек” бейнебақылау камерасының назарына 6127 жүргізуші түсті. “Кибершериф” құрылғысының көмегімен облысымызда 1049 жүргізуші жауапкершілікке тартылды. “Қорғау - қауіпті жүргізуші” қосымшасы арқылы заң бұзушылыққа жол берген 460 көлік иесі анықталды», - деп жазылған хабарламада.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
