Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
"Оймаша" полигонындағы мерзімді сарбаздың өлімі бойынша соталды тергеу жүргізіліп жатыр. Бұл туралы Ақтау гарнизонының бас әскери прокуроры Ерлан Құтқожа айтты, - деп хабарлайды mangystaumedia.kz сайты massaget.kz сайтына сілтеме жасап.
Ақтау гарнизонының бас әскери прокуроры Ерлан Құтқожа бұл істі Ақтау гарнизонының прокуратурасы мен Бас әскери прокуратура ерекше бақылауына алғанын мәлімдеді.
"Бұл дерекке қатысты 453-баптың 2-бөлігі бойынша соталды тергеу жүргізіліп жатыр. Кеше өлімнің нақты себебін анықтау үшін мәйітке аутопсия жасалды. Сараптама нәтижелерін күтеміз" - деді Ерлан Құтқожа.
Ерлан Құтқожа жарылыс полигонда өткізіліп жатқан оқу-жаттығу орнында емес, сарбаздар тұрмыстық қоқыстарды тазалап жатқан жерде болғанын түсіндірді.
"Жарылыс салдарынан тағы бір әскери қызметші, 2000 жылы туған сержант жарақат алды. Қазір ол ауруханада, оның жағдайы қанағаттанарлық, өмірі мен денсаулығына төніп тұрған қауіп жоқ", - деді ол.
Айта кетейік, осыған дейін хабарлағандай 30 қыркүйек күні Ақтау гарнизоны, "Оймаша" полигонында белгісіз зат жарылып, мерзімді әскери қызметкер қаза тапқан еді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.