Жаңаөзендіктер заманауи медициналық жабдықтармен ем алу мүмкіндігіне ие

Жаңаөзен қалалық көпсалалы ауруханасының оңалту бөлімі заманауи медициналық құрал-жабдықтармен жабдықталған. Дегенмен, қала тұрғындары түрлі ота жасатқан жандарды аяғынан тұрғызып жатқан мекеменің мүмкіндіктерімен толық таныс емес, деп хабарлайды mangystaumedia.kz сайты Маңғыстау облысы денсаулық сақтау басқармасының баспасөз қызметіне сілтеме жасап.

Дәрігерлердің айтуынша, адамдардың қазір денсаулықтары нашар. Ал оңалту бөлімінде зақымданған дене мүшесінің немесе жүйенің бұзылған қызметін қалыпқа келтіре алады. Науқастардың өмір салтын жақсартып, еңбек қабілеттілігін нығайту да қарастырылған.

Бөлімде білікті мамандар неврология, соның ішінде ишемиялық және геморрагиялық инсульт алғаннан кейінгі науқастарға, кардиология, травматология, нейрохирургия, ортопедия салалары бойынша ота жасатқан жандарға 2,3-ші сатыдағы оңалту емін жасайды.

«Бөлімшеде тоқпан жілік, шынтақ сүйегі, білезік және тізе буындарының сынуына емдік дене шынықтыру жаттығуларын орындауға арналған құрал-жабдықтар бар. Сонымен қатар, оның қалыпты өмір салтына оралуына мүмкіндік беретін Corvit құрылғысы орнатылды. Велосипед, вертикализатор және жүгіру жолы да пациенттермен жұмыс істеуде тамаша екенін дәлелдеді. Бөлімше сонымен қатар массаж, емдік физиотерапия, магнитотерапия, электрофорез арқылы емдеуді жүзеге асырады. 15 төсек бар», - деп жалғастырды Арайлым Жақсыбай.

Ол қалалық емхана қызметкерлеріне түрлі аурулар мен жарақаттардың салдарынан қалыпты өмірге қайта оралғысы келетін науқастарды көп бейінді ауруханаға жатқызуды ұсынады.

«Жарақаттар мен операциялардан кейін оңалту міндетті болып табылады, өйткені емдеусіз немесе оңалтусыз қалған жағдайда олар жаңа ауруларға әкеледі», - деп қорытындылады реабилитолог дәрігер.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.