Астана-Маңғыстау әріптестігі артады

«Атамекен» Ұлттық кәсіпкерлер палатасында Астана-Маңғыстау облысы аймақаралық әріптестік бизнес кездесуі өтті. Шараға Маңғыстау облысының әкімі Ералы Тоғжанов пен Астана қаласы әкімінің орынбасары Ермек Аманшаев бастаған делегация қатысты. Алдымен өңір басшылары Маң­ғыстау облысының жергі­лікті тауар өнімдерінің көр­месін тамашалады. Бизне-с­кездесу отырысында облыс басшысы Ералы Тоғжанов астаналық қонақтарға өңір ты­ныс-­тіршілігін таныстырып, кездесудің көздеген мақсатына тоқталды. «Құрметті қатысушылар, баршаңызға белгілі, үш күннен бері Астана қаласы­ ның үлкен ұжымдары қасиетті Маңғыс­тауға сапарлап келіп, маңызды шаралар өткізуде. Елордамыздың 20 жылдық мерейтойы  аясында  облыста ауқым­ды мәдени шаралар ұйымдастырылды. Кеше Астана қаласы әкімінің орынба­сары Е.Аманшаев бастаған делегация­ның қатысуымен үлкен гала­-концерт болды. Игілікті жұмыстар 10 мыңға тар­та халық жиылған теңіз жағалауындағы шараларға жалғасты. Еліміздің абыро­йын асқақтатқан Астананың атаулы ме­рейтойын бұқара болып өткізуіміз өте маңызды. Киелі Маңғыстау жеріне осын­дай игі мақсатпен қадам басқан сіздерге қош келдіңіздер дегім келеді» деп, өңір басшысы Ералы Тоғжанов елордалық әріптестеріне облыстың әлеуметтік-­эко­номикалық ахуалын таныстырды. Осынау бейбітшілік пен тыныштық ор­наған уақытқа то­лайым жетістіктермен жеткеніміз Елбасымыздың сарабдал саяса­тының арқасы деп білемін. Ермек Әмірханұлының Маңғыстауға деген ықыласы ерекше. Астаналық деле­гация тек мәдени-­спорттық бағытта ғана емес, үлкен өндіріс саласы, орта және шағын бизнес бойынша ұсыныстарымен келді. Екі күннен бері қадірлі қонақтарға облыс бойын­ша маңызды мәліметтер берілді. Мұнай көлемі бойынша Маңғыстау өңірі 24 пайыз үлеспен республи­када жоғары көрсеткішке жетіп отыр. Тау­кен өндірісі саласындағы жұмыс ауқымы – 82 пайыз, мұнай­ сервис  қызметі,  құрылыс секторы, ауыл­шаруашылығы саласының да әлеуеті жыл санап қарқынды дамып келеді. Орта және шағын бизнестегі қаржылық қолжетімділік бойын­ша Маңғыстау облысы республи­када 12­-орыннан 2­орынға шықты. Осындай жетістіктерге жету үшін үлкен жұмыстар жасалды. Маңғыс­тау облысында арнайы «Нұр­-ка­питал» жобасы іске қосылып, 1% кәсіпкерлерге несие беруді қолға алдық. Қазіргі күнде 900 млн. тең­ге қаражатты құрайтын 47 бизнес жобасы жүзеге асырылуда. Даму қорымен «Атамекен» палатасымен бірлескен жобаның  жалпы  құны 2 млрд. 700 млн. теңгені құрайды. Бұл жобаның өзіне Елбасы Нұр­сұлтан Назарбаев қолдау көрсетіп отыр. Міндет – еңбек нарығын жаңғырту, орта және шағын биз­неске қолдау көрсету. Мұнайлы өлкенің басты кәсібі мұнай сала­сы болғанымен кәсіпкерлікті жан­-жақты дамыту бүгінгі таңдағы маңызды мәселенің бірі болып қала бермек. Құрылыс қарқыны бойынша Маңғыстау облысы рес­публикада 2­орынға көтерілді. Был­тыр 833 мың шаршы метр тұрғын үй қолданысқа беріліп, биыл 960 мың шаршы метр баспана тұрғызу жоспарға алынған. Ал кәсіпкерлік­ке қолдау көрсету өңірдің әлеумет­тік-­экономикалық дамуына үлкен дем береді. Біз бұл бағыттағы жұ­мыстарымызды жандандыра тү­семіз», – деді облыс басшысы. Астана қаласы әкімінің орынбасары Ермек Аман­шаев маңғыстаулықтар­дың ыстық ілтипатына ризашылық танытып, делегация арқалаған ма­ңызды міндеттерді саралап өтті. «Құрметті Ералы Лұқпанұлы, өзіңіз айтқандай, киелі Маңғыстау жерінде үш күн бойы Елорда­мыздың 20 жылдығы аясында ма­ңызды шараларды өткізудеміз. Ең алдымен, Астана қаласы әкімі Әсет Исекешовтің атынан Сіз­дерге үлкен рахмет айтқым келе­ді. Біздің делегацияның қай саласы болса да, барлығы өз міндеттерін уақытылы орындап, үлкен сапаға қол жеткізіп келеді. Екі күн ішін­де біз осы облыстағы көптеген оң өзгерістердің куәсі болдық, экономика саласындағы кешен­ ді жобаларды, өңірдегі тың жаңа­лықтарды көрдік, әлеуметтік ба­ғыттағы басымдықтарды байқадық, ауқымды жоспарлармен жақынырақ таныстық. Әрине, мұның барлығы қуанарлық жағдай. Ералы Лұқпанұлы, сізге және осы жауапты міндетті арқалаған сіздің ұжымға рахметімді айта­мын, толайым табыстар тілеймін, үлкен жетістіктерге жете беріңіз­дер. Еліміздің, жеріміздің дамуы­на осылайша бірлесе жұмыла ат­салысайық», – деген Е.Аманшаев мерейтой қарсаңындағы Астананың жетістіктерін баяндады. «Биыл Астананың 20 жылдық мерейтойын Елбасымыз  бастап, ел болып атап өткелі отырмыз. Бұл мерейтой тек қана мәдени, спорттық шаралармен шектелмей­ді. Бұл – тарихтың елеулі парағы, беделді белесі. Бүгінгі дамудың жа­ңа деңгейіне жеткен еліміздің эко­номикалық, әлеуметтік даму, саяси және халықаралық орталығы ретін­де Елордамыздың жетістіктерін ел өңірлеріне шығып, кеңірек насихат­тау, жете жеткізу – біздің ең негізгі мақсатымыз. Астана қаласында іске асырылып жатқан үлкен кешенді жобалар көп. Оны таныстыру үшін бізбен бірге Астана әкімдігінің құ­рылымына кіретін және бірлесе жұмыс жүргізіп келе жатқан әртүр­лі компаниялар мен кәсіпорындар­дың басшылары, өкілдері де келіп отыр», – деді Е.Аманшаев. ТАҒЫ ОҚЫҢЫЗ: Мұнайлы мектебіндегі жаңа мүмкіндіктер сыныбы Бүгінгі таңда халықаралық қа­уымдастықтар алдында абыройы асқақ Астана қаласы Еуразия құр­лығындағы үлкен маңызды орта­лық саналады. Ірі экономикалық, саяси орталыққа айналған бас қала­ да ғаламдық деңгейдегі шаралар өт­ кізіледі. Елорда іргетасы қаланған сәттен бастап жүйелі түрде Елбасы Нұрсұлтан Назарбаевтың тікелей қолдауына ие болып келеді. Астана – Қазақстан экономикасының ғана локомотиві емес, ғаламдық эконо­микалық, саяси, гуманитарлық мә­селелер шешілетін алаң. Бұл қалада үлкен жобалар жүзеге асырылып, мемлекеттің болашағы үшін маңы­зы зор бағдарламалар қабылданып келеді. Қысқа уақыттың ішінде Ас­тана ірі гуманитарлық, саяси, эко­номикалық жобалар жүзеге асатын орталыққа айналды. Осынау ел игілігіне арналған жеңісті жетістік­тің барлығына Ұлт көшбасшысы, Мемлекет басшысы Нұрсұлтан На­зарбаевтың жіті бақылауында, үл­кен қамқорлығының арқасында қол жетті.Қазіргі кезде Астана әкімдігі «Астана қаласын дамытудың 2020 жылға дейінгі бағдарламасын» іске асы­ру бағытында  жұмыстар жүр­гізу үстінде. Бұл ретте астаналық тұрғындардың өмір сүру сапасын жақсарту, тұрғын үйлермен қам­тамасыз ету, қаланың қауіпсіздігі, денсаулық сақтау саласы басты на­зарға алынады. Ішкі көшіп­-қонудың нәтижесі бойынша да бас қала жыл сайын 50 мың адамға толыға түсу­ де. Жиын барысында елорда деле­гациясы құрамында келген Астана қаласы әкімдігі Инвестиция және кәсіпкерлік жөніндегі басқармасы басшысының міндетін атқарушы Ерлан Орынбасарұлы «Астана қа­ласының даму стратегиясы» ту­ралы кеңірек мәлімет берді. Со­нымен қатар жиында елорданың туристік кеңістігі туралы, цифрлық экономика бойынша Астананың инновациялық шешімдері жайында жан-­жақты баяндамалар жасалды. Бизнес кездесу соңында Маңғыс­тау облысы мен Астана қаласы арасындағы бизнес әріптестікті ны­ғайта түсуге бағытталған бірқатар меморандумдарға қол қойылды.

Жайық НАҒЫМАШ Суреттерді түсірген Серік МАЙЕМЕРОВ