Каспийдің қазақстандық бөлігінде жаңа мұнай кен орындары игерілмек

©

Атырау облысында Каспий теңізіндегі Қашаған ірі кен орнына жақын жерден тағы 4 мұнай кен орнын игеру жоспарлануда, деп хабарлайды «ҚазАқпарат» ХАА тілшісі.

«North Caspian Operating Company N.V. (NCOC) консорциумы Қашаған кен орнының болашақ кезеңдерін игеру мүмкіндіктерін бағалауды жалғастыруда. Бірлесіп игеру ықтималдығы бар операторы «Каспий Меруерті Оперейтинг Компани Б.В.» (КМОК) болып табылатын Қаламқас-теңіз және оған жақын орналасқан «Хазар» мұнай кен орнының тұжырымдамасын таңдау бойынша зерттеу аяқталуға жақын. Жобаның тиімділігін қамтамасыз ету үшін шығындарды азайтудың бірнеше шешімдері анықталды. Біздің жобаның акционерлері Үкімет мақұлдағаннан кейін алдын ала инженерлік-техникалық жұмыстарды жалғастыруға ниетті. Сонымен қатар, Ақтоты және Қайраң кен орындарын игеру үшін синергия мүмкіндіктерін зерттеуді жалғастырамыз», - деп хабарлады NCOC консорциумының басқарушы директоры Бруно Жарден «ҚазАқпарат» тілшісіне берген эксклюзивті сұхбатында.

Б. Жарденнің айтуынша, консорциум Қашаған кен орнын игерудің болашақ кезеңдерін дамыту нұсқаларын бағалауды жалғастырмақ. Ол жерде қазіргі таңда тәулігіне 300 мың баррель мұнай өндірілуде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.