Жетібай ауылына жарық шамдары орнатылуда

«Ауыл - ел бесігі» мемлекеттік бағдарламасы аясында Жетібай ауылындағы ескі көше шамдарын, энергия үнемдегіш лэд жарық шамдарына ауыстыру жұмыстары басталды, деп хабарлайды mangystaumedia.kz аудан әкімдігінің баспасөз қызметіне сілтеме жасап.

Жоба мақсаты – көшедегі қауіпсіздікті қамтамасыз ету болып отыр. Тұрғындардың ұсынысы бойынша, жанбай қалған жарық шамдарын ауыстырады.

Жоба аясында аудан бойынша 1000-нан аса ескі көше жарығы және 88 ескі бағаналар ауыстырылып, жаңадан 155 бағана орнатылады.

- Жарық - ол әуелі түнгі мезгілде тұрғындардың қауіпсіздігі үшін маңызды! Қәзіргі заманға сай, энергияны үнемдейтін жарық шамын орнатып жатқан азаматтарға алғысымыз шексіз. Орнатылып жатқан жарық шамдары көңіл қуантады.Осындай жұмыстар жалғасын таба берсін, - деді ауыл тұрғыны.

Айта кетейік, мердігер мекеме «Ақтау Сервис Кұрылыс» ЖШС жұмыстарды жүзеге асырады. Жоспарға сәйкес жұмыстар маусым айында аяқталмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.