Қарақияда әлеуметтік жатақханалар жөндеуден өтті

Құрық ауылындағы әлеуметтік аз қамтылған отбасыларға арналған №4 және 6 жатақханалар жөндеуден өтті, деп хабарлайды mangystaumedia.kz Қарақия ауданы әкімдігінің баспасөз қызметіне сілтеп.

Мемлекеттік сатып алу порталы арқылы ұйымдастырылған конкурс нәтижесінде «Темір-Барс Астана» ЖШС жеңімпаз деп танылды.

Қазіргі таңда мердігер мекеме №6 жатақханадағы толықтай жөндеу жұмыстарын жүргізіп аяқтады. Ал №4 жатақхананың жөндеу жұмыстары аяқталуға жақын.

- Жатақхана біраз жаңарып қалды. Іші жылы, жылыту радиаторлары жаңадан салынды, барлық жағдай жасалған. Балалар ойнайтын бөлме де бар. Ең бастысы уақытша қоныстануға ыңғайлы. Тұрмыстық тіршілікті жақсартып жатқан басшыларға рахметімізді айтамыз, - деді жатақхана тұрғыны.

Айта кетейік, жөндеу жұмыстары негізінде ас бөлме мен жуыну бөлмелері толықтай жаңартылды. Сондай-ақ, бөлмелер сыланып, еден жабындысы ауыстырылып, қосымша жарық шамдары қосылып, ауыз су желісі мен кәріз жүйесі қалпына келтірілген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.