Шайырлық жастар үшін қуанышты жаңалық. Ауылда ашық футбол алаңы бітіп, қолданысқа берілмек. Ашылу салтанаты 30 сәуір күні өтеді, деп хабарлайды mangystaumedia.kz
“Ауыл тұрғындары, жастар және балаларына қуанышты жаңалық болды бұл. Кішкентай балалардың қуанышында тіпті шек жоқ, біткелі бері айналшықтап сол жақтан шықпай жүр.
Осы істің басы-қасында аянбай, тезірек және сапалы болып бітуіне атсалысып жүрген ауылымыздың әкімі Ғани Орынбасарұлының және ауылымыздың белсенді жастарының бірі Азимбек Субихановтың, кез-келген қолына алған істі шыр айналдыратын хас шебер Айбек Жанғожаевтың еңбегі зор. Шайыр ауылдық округі әкімдігі арқылы тендерге түсіп, 9,5 миллион теңгеге жеңіп алған жеңімпаз мекеме "Соқырлар қоғамдастық бірлестігі" иесімен бірнеше рет кездесіп, әр бөлшегіне мән беріп, тіпті күз айында жұқа газон төсеп бермек болған мердігермен келіспей, “келесі жылға қалатын болса да дұрыс зат істеп беріңіз сапалы қылып” деп, қалың газон алдыртып, әр астына төселген топырағына, қоршауының сырланған сырына дейін мән беріп, нәтижесінде ені 20, ұзындығы 40 метр осындай керемет футбол алаңын бітіріп берді. Ауылымыздың жастары да “ақша алып отыр ғой, өздері жасасын” демей, жұмыла көмектесіп, үлестерін қосты. Осы футбол алаңының бітуіне атсалысқан барша жанға мың алғыс айтамыз”, - дейді шайырлық Нұрия Бақытқызы.
30 сәуір күні ашылу салтанатында 6 команда өз бақтарын жаңа футбол алаңында сынайды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
