Денис Тен туралы электронды кітап жарыққа шықты

©

Қазақстан Республикасы Мәдениет және спорт министрлігі Сочи Олимпиадасының қола жүлдегері Денис Тен туралы «Біздің Денис» атты кітаптың электронды нұсқасын жариялады. Кітапты министрліктің www.mks.gov.kz  ресми сайтынан жүктеп алуға болады. 

Кітап талантты спортшы, Қазақстанның еңбек сіңірген спорт шебері, Қазақстанның мәнерлеп сырғанаудан 5 мәрте чемпионы, 2014 жылғы Сочи Олимпиадасының қол жүлдегері, Әлем чемпионатының 3 мәрте жеңімпазы Денис Тенді еске алуға арналған. Оған Денистің өмірбаяны, сұхбаттары, Қазақстан мен отбасы, жалпы өмір туралы пікірлері енгізілген. Кітапта Денистің сирек суреттері басылған. Сондай-ақ Қазақстанның және шетелдік танымал тұлғалардың, ақындардың, атақты спортшылар мен Денис Теннің достарының Денис туралы естеліктері мен өлеңдері топтастырылған.

Естеріңізге сала кетейік, 25-ке жаңа толған жас жігіттің ғұмыры 19 шілде күні Алматыда қапыда үзілген еді. Қазіргі таңда Дениске шабуыл жасаған екі күдікті де ұсталды. 

Денис Тен 1993 жылы 13 маусымда дүние есігін ашқан. Ол - Кореяның атақты генералы Мин Гын Хоның ұрпағы. Тәуелсіз Қазақстанның тарихында мәнерлеп сырғанаудан Олимпиада медалін алған алғашқы спортшы.

Камшат ОҢҒАЛТАЙ,

Сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.