№107 автобусы «Infobus» қосымшасында неге көрінбейді?

Ақтауда тұрғындар №107 қоғамдық көлігі «Infobus» қосымшасында көрінбейтінін айтып, Маңғыстау облысы әкімдігінің телеграм чатына шағымданып жатыр, - деп хабарлайды mangystaumedia.kz сайты.

«Каспий Авто Парк» директорының орынбасары Жәнібек Миралиев №107 автобус маршрутының «Infobus» қосымшасында шықпай қалу себебін түсіндірді. Айтуынша, автобуста GPS-қондырғысының ескірген. Автопарк директоры №107 автобусына жаңа GPS-қондырғысын орнатылатынын жеткізді.

-№107 автобус маршрутының «Infobus» қосымшасында шықпай қалып жүр. Себебі аталған маршруттарда GPS-қондырғысы ескірген. Мекеме тарапынан жаңа GPS-қондырғысына тапсырыс берілді. Алдағы уақытта GPS-қондырғысын орнату жұмыстары жүргізіліп, «Infobus» қосымшасында аталған маршрут көрінетін болады, - деді «Каспий Авто Парк» директорының орынбасары Жәнібек Миралиев.

Айта кетейік, №107 маршрутының көп бөлігі қала аумағымен жүргенімен, автобус - аудандық маршрут. Сондықтан облыстық жолаушылар көлігі және автомобиль жолдары басқармасының құзіретінде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.