«Жиналайық»: Ақтауда жас таланттар жобасы өтуде

Ақтауда «Aktown» шығармашылық бірлестігі Маңғыстау облысының жастар саясаты мәселелері жөніндегі басқармасымен бірге жастарды қолдау және дамыту мақсатында комплекстік «Жиналайық» жобасын ұйымдастырды, - деп хабарлайды mangystaumedia.kz сайты.

Байқауда бишілер өнер көрсетіп, көрермендермен бірге jam-батл ұйымдастырылды. Батл соңында белсенділерге сыйлықтар мен сертификаттар берілді.

«Жиналайық» жобасы – талантты жастарды біріктіруге, қала тұрғындары арасында өнерді насихаттауға бағытталған. Жобаның басты мақсаты – жастарға үлкен сахнаға шығуға мүмкіндік беру.

Айта кетейік, сәуірде басталған шара тамыз айына дейін жалғаспақ. Жобаға 16 жастан асқан өнерпаздар қатысуда.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.