Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін «AMANAT» партиясы Маңғыстау облыстық филиалында ҚР Парламент Мәжілісінің депутаттары Самат Мұсабаев пен Еділ Жаңбыршин «Жайлы мектеп» арнайы бағдарламасы бойынша салынып жатқан мектептер туралы жиын өткізді, - деп хабарлайды mangystaumedia.kz сайты.
Жоспар бойынша Маңғыстау облысында 21 мектеп салынады. Атап айтқанда, 13 мектеп 2024 жылы, ал қалған 8 мектеп 2025 жылы пайдалануға берілуі тиіс. Жалпы бағдарламаның орындалуына 2,6 триллион теңге қаражат бөлінген.
Тапсырыс беруші «Samruk-Kazyna Construction» компаниясы 5 мектептің жеңімпазымен келісімшартқа отырған. Дегенмен әлі күнге дейін бірде-бір мектептің құрылысы басталмаған.
- Конкурсты ұйымдастырушы «Samruk-Kazyna Construction» компаниясының түсініксіз әрекеті салдарынан мектептер 2024 - 2025 жылдар түгілі, 2026 жылы да пайдалануға берілмейтін түрі бар. Себебі әлі күнге дейін бірде-бір мектептің құрылысы басталмады. Биыл құрылысы басталуы тиіс 13 мектептің бесеуінде жеңімпаз анықталған, алайда, олардың қолында жобалық-сметалық құжаттары жоқ. Ал қалған сегіз мектептің тағдыры тіпті бұлыңғыр, - деді Самат Мұсабаев.
Жиын барысында депутаттар жұмысты жүйелендіру бойынша және жобалардың уақытылы тапсырылуын қамтамасыз ету бағытында ұсыныстарын жеткізді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.