Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
© kmg
14 маусымда «Жарқын болашақ» бағдарламасы аясында Бурабай курортында орналасқан IQanat High School of Burabay (IQanat) элиталық мектеп-пансионатында оқуын сәтті аяқтаған жас жаңаөзендіктердің алғашқы легі мектеп бітірді, деп хабарлайды mangystaumedia.kz.
«ҚазМұнайГаз» ҰК АҚ Басқарма төрағасының кеңесшісі, жобаның кураторы Гүлшара Әбдіқалықова жас түлектерге аттестатты салтанатты шарада табыстады. Сапалы орта білім алған 50 шақты түлек өз болашағын инженерия, қаржы және педагогикамен байланыстыруды жоспарлап отыр.
Тек IQanat мектебінде 2022 жылдан бастап ҚМГ қолдауымен басталған «Жарқын болашақ» гранттық білім беру бағдарламасы бойынша Маңғыстау облысынан келген 100-ден астам жоғары сынып оқушылары білім алуда.
Осы білім гранттық бағдарлама бойынша Маңғыстау облысы мен Жаңаөзеннің 676 жоғары сынып оқушысы Қазақстанның 11 өңіріндегі 33 ең үздік білім ошағында (мектептер мен колледждерде) білім алуда. Бағдарлама еліміздің мұнайлы аймағының өскелең ұрпағының білім деңгейін арттыруға бағытталған. Бағдарлама оқу ақысын, тамақтануды, жатақханада тұру және жол жүру шығындарын, сондай-ақ колледж студенттеріне арналған жоғарылатылған стипендияны қамтиды.
ҚМГ гранттық бастамасы өндірістік мұнай кәсіпорындарының қатардағы қызметкерлерінің балаларын, сондай-ақ аз қамтылған отбасылар мен батыс өңір халқының әлеуметтік осал топтарының балаларын қамтып отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.