«Сот заңсыз деп тапқан құрылыс жалғасуда»

Қала тұрғыны теңіз жағалауында жүріп жатқан құрылысқа наразы. Тұрғын өз шағымын Маңғыстау облысы әкімінің телеграм-арнасында жариялады, деп хабарлайды mangystaumedia.kz сайты.

- Сот заңсыз деп тапса да 4а ш/а орналасқан №43 жер орнындағы құрылыс әлі жалғасуда,- делінген шағымда.

Алайда Маңғыстау облысының мемлекеттік сәулет-құрылыс бақылау басқармасының хабарлауынша, аталған орындағы құрылыс – заңды және жұмыс жобасы оң сараптама алған.

- Ақтау қаласы 4а ш/а орналасқан №43 жер учаскесі "Хафит пропертис-Ақтау" ЖШС-ға тиесілі. Нысан 16.01.2023ж сәулет-жоспарлау тапсырмасын алған. Эскиздік жоба Ақтау қалалық жер қатынастары, сәулет және қала құрылысы бөлімімен келісіліп, жұмыс жобасы сараптаманың оң қорытындысын алды,- делінген басқарма жауабында.

Сонымен қатар, "ҚР сәулет, қала құрылысы және құрылыс қызметі туралы"ҚР заңының 68-бабына сәйкес құрылыс процесіне қойылатын негізгі талаптар сақталғаны да хабарланды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.