Жаңаөзенде «ZHAS TАLKS» жобасы өтті

Жаңаөзен қалалық жастар ресурстық орталығының ұйымдастыруымен алғаш рет жастарға арналған TED-X форматында «ZHAS TАLKS» жобасы өтті, деп хабарлайды mangystaumedia.kz.

Облыстық жастар басқармасының баспасөз қызметінің хабарлауынша, TED-X форматындағы «ZHAS TАLKS» жобасында Жаңаөзен қаласындағы тәжірибелі психолог Жанар Ермағанбетова жастарға психология бойынша кеңесін айтқан. «NEW YORK FILM» академиясында тәжірбиеден өткен Карина Түгелбайқызы академияға қалай түскені туралы айтып, шетелдегі тәжірбиесімен бөліскен.

Маркетолог, сценарист Мәтжан Бектұрған маркетолог саласындағы өзгерістер мен әлеуметтік желі арқылы маркетинг жасаудың тиімді жолдарын түсіндірген. Сонымен қатар бұл кездесуге өлкемізге танымал, IT – саласының ағартушысы Тимур Бектұр да қатысып, жасанды интеллекттің мүмкіндіктері мен болашағы жайлы сөз қозғаған.

Іс-шараның негізгі мақсаты – жастардың қоғамда өз орнын табуға ықпал ету, IT саласына қызығушылығын ояту, жасанды интеллекттің мүмкіндіктері арқылы жетістікке жету және сол саладағы жаңалықтарымен таныстыру.

Іс-шараға 200-ге жуық жас қатысты, олар қызықтырған сауалдарын жолдап, тұщымды жауап алған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.