Түпқарағанда орталық саябаққа мыңнан астам көшет отырғызды

Сайын Шапағатов ауылдық округінде М. Елубаев көшесі бойындағы орталық саябаққа демеуші компания есебінен 1000-нан астам көшет отырғызды, деп хабарлайды mangystaumedia.kz.

«Таза Қазақстан» экологиялық акциясы аясында 214 тал шығыс туясы, 59 тал американдық үйеңкі, 69 тал шаған, 69 тал соғды шағаны, 207 тал ақтерек, 69 тал тұт ағашы, 65 тал Гиннала үйеңкісі, 262 тал қына ағашы егілді.

Аудан әкімінің орынбасары Дидарбек Жантуаровтың айтуынша, саябақ аумағына егілген көшеттерді күтіп-ұстаумен облыстық экспериментальды ботаникалық бағы айналысады.

- Сайын Шапағатов ауылындағы саябақ аумағын көгалдандыру жұмыстары 2023 жылдың күз айынан бастап компанияның демеушілігімен іске асып жатыр. Көгалдандыратын жердің жалпы аумағы 0,7 гектарды құрайды. Бұл көшеттерді күтіп ұстау үшін арнайы аумақ 2025 жылға дейін Маңғышлақ эксперименталдық ботаникалық бағының қамқорлығына беріледі және тамшылатып суару әдісімен суаралыды, - дейді Дидарбек Жантуаров.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.