Түпқараған ауданында түнде жоғалып кеткен 3 бала табылды

24 наурыз күні сағат түнгі 01:50-де Түпқараған ауданы №4 ӨСБ диспетчеріне кәмелетке толмаған 3 жасөспірімнің есік алдына ойнауға шығып, үйіне қайтып оралмағандығы туралы хабар келіп түскен, деп хабарлайды mangystaumedia.kz.

Төтенше жағдайлар департаментінің айтуынша, 2012, 2014, 2018 жылдары туған 3 ер баланы іздестіру жұмыстары Форт-Шевченко қаласы, Баутино ауылы және Аташ кенті бағыты бойынша жүргізілген.

Іздестіру жұмыстарына ТЖД жеке құрамынан 8 адам, 3 бірлік техника, ЖАО 80 адам, бірлік техника, Полиция департаменті жеке құрамынан 40 адам, 6 бірлік техника, волонтерлар мен ауыл тұрғындарынан 500 адам жұмылдырылған.

23-і күні жоғалып кеткен 3 бала 24-і түні таңғы сағат 03:40-та көрші үйдің сарайынан табылған. Ал ол уақытта көршілері үйде болмаған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.