Тазалық қайда? Ақтау тұрғындары жаңа әжетхананың жағдайын сынға алды

Ақтау тұрғындары жағалаудағы ақылы әжетхананың жай-күйін видеоға түсірген, - деп хабарлайды mangystaumedia.kz сайты.

Әлеуметтік желіде жарияланған видео 15 шағынаудан жағалауындағы жаңа әжетханада түсірілген.

"Бұл 12 миллионның жаңа әжетханасы! Ақылы дәретхана болғандықтан іші таза болуы керек. Ал мұнда қоқыс жәшігі толып кеткен, унитаз лас. Мен баламды әжетханаға апара алмадым. Неге ішін тазаламайды? Тек ақша алады», - деп ашуланды қала тұрғындарының бірі.

Редакция Ақтау қаласы әкімдігінің «Жаңа ақылы дәретханаларды тазалау қарастырылған ба?» деген сауалына жауап күтуде. Егер иә болса, тазалау қаншалықты жиі жүргізіледі?

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.