Өзбек дипломаты Ақтау қаласында отандастарымен кездесу өткізді

Өзбекстан Республикасының Ақтау қаласындағы Бас консулы А. Ж. Тұрсынбеков Ш.Есенов атындағы Каспий мемлекеттік технологиялар және инжиниринг университетінде оқитын Өзбекстан Республикасының азаматтарымен кездесу өткізді, деп хабарлайды mangystaumedia.kz.

Бас консул "адам – қоғам – мемлекет" негізгі қағидатын және "адамның ар-намысы мен қадір-қасиеті үшін" идеясын ілгерілетуді көздейтін Өзбекстан Республикасының Негізгі заңына енгізілетін өзгерістердің мәні мен маңызын егжей-тегжейлі түсіндірді. Конституцияға енгізілген түзетулер, ең алдымен, жаңа Өзбекстанды құруға бағытталғаны атап өтілді, онда негізгі заң деңгейінде адамның құқықтары мен қадір-қасиетін қорғау, оның әлеуметтік қорғалуы мен экономикалық әл-ауқаты кепілдіктері бекітілетін болады.

Сонымен қатар, дипломаттар студенттермен консулдық-құқықтық қызмет бойынша әңгімелесті. Кездесу қорытындысы бойынша студенттер өздерін қызықтырған барлық сұрақтарға жауап алды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.