Мемлекеттік қызметтегі жұмыс уақыты режимін сақтау басты назарда

Мемлекеттік органдардың қызметшілері үшін жұмыстың басталуы 9 сағат 00 минут, жұмыстың аяқталуы 18 сағат 30 минутқа дейінгі ұзақтығы сегіз сағаттық жұмыс уақытының режимі белгіленген. Мемлекеттік органдардың жұмыс уақыты режимінің сақталуына мониторингті жүргізуге уәкілетті орган Мемлекеттік қызмет істері агенттігі және оның аумақтық бөлімшелері болып табылады.

Мемлекеттік қызмет істері агенттігінің Маңғыстау облысы бойынша департаментімен мемлекеттік органдардың жұмыс уақыты режимін сақтауына мониторинг жүргізу Қағидаларының талабына сәйкес, мемлекеттік органдарға бару арқылы мониторинг жүргізудің 2024 жылға арналған жоспары бекітілді.

Жоспарға сәйкес 40 мемлекеттік мекемелерге 2024 жылы бару арқылы мониторинг жүргізілетіндігі ескертіліп, хат жолданды.

Маңғыстау облысында мемлекеттік органдардың жалпы саны – 218, кіруді басқару және бақылау жүйесі орналастырылған мемлекеттік органдар – 120. Кіруді басқару және бақылау жүйесінің «Е-қызмет» ақпараттық жүйесімен ықпалдастырылған мемлекеттік органдар – 67.

Басқа қалған 98 мемлекеттік органдарда кіруді басқару және бақылау жүйесі орнатылмаған. Соның ішінде, 22 мемлекеттік мекемелерде кіруді басқару және бақылау жүйесі орнатылуға жатады және 76 мемлекеттік мекемеде аталған жүйенің орнатылмауына ғимараттардың басқа мекеменің балансында болуы, ғимараттардың ескілігі және штат санының 7 бірліктен аз болғандықтан орнатудың тиімсіздігі себеп болып отыр.

Қазіргі таңда 23 мемлекеттік органға бару арқылы жұмыс уақыты режимін сақтау бойынша мониторинг жүргізіліп, 29 бұзушылық анықталды. Бару арқылы жүргізілген мониторинг нәтижесінде 23 мемлекеттік қызметшінің құқығы қалпына келтірілді.

Алдағы уақытта аумақтық департаментпен 17 мемлекеттік органдарға бару арқылы мониторинг жұмыстары және бару арқылы жүргізілмеген мемлекеттік органдарда қашықтықтан мониторинг жұмыстары жүргізілетін болады.

Мемлекеттік қызмет істері агенттігінің
Маңғыстау облысы бойынша департаментінің басшысы Т.Жұмағұлов

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.