Мемлекеттік қызмет істері агенттігінің Маңғыстау облысы бойынша департаментімен жұмыс уақыты режимінің сақталуына жүргізілген мониторинг барысында тиісті актілерсіз мемлекеттік қызметшілерді үстеме жұмысқа тарту бойынша 103 құқықбұзушылық анықталды. Олардың ішінде бару арқылы жүргізілген мониторинг барысында 29 бұзушылық анықталса, «Е-қызмет» ақпараттық жүйесі арқылы қашықтықтан жүргізілген мониторинг барысында 74 бұзушылық анықталған.
Аталған бағытта аумақтық департаментпен 68 мониторинг жұмыстары жүргізілген. Олардың арасында бару арқылы жүргізілген мониторингпен қамтылған 23 мемлекеттік орган болса, қашықтықтан жүргізілген мониторингпен қамтылған мемлекеттік органдардың саны – 45.
Жүргізілген мониторинг нәтижесінде 97 мемлекеттік қызметшінің құқығы қалпына келтірілді. Атап айтқанда, бару арқылы жүргізілген мониторинг нәтижесінде 23 мемлекеттік қызметшінің құқығы қалпына келтірілді. Қашықтықтан жүргізілген мониторинг нәтижесінде құқығы қалпына келтірілген 74 мемлекеттік қызметшінің құқықтарын қорғау туралы ұсыным енгізіліп, толығымен орындалды.
Құқықтарын қалпына келтіру бағытында 97 мемлекеттік қызметшіге тынығу сағаттары және жеке қажеттіліктеріне қарай 14 мемлекеттік қызметшіге икемді жұмыс кестесі белгіленді.
2024 жылға бекітілген жоспарға сәйкес бару арқылы жүргізілетін мониторинг жұмыстарынан тыс, мемлекеттік органдарға бармай қашықтықтан жұмыс уақыты режимінің сақталуына мониторинг Мемлекеттік қызмет істері агенттігінің Маңғыстау облысы бойынша департаментімен тұрақты негізде жүзеге асырылады.
Мемлекеттік қызмет істері агенттігінің
Маңғыстау облысы бойынша департаментінің басшысы
Т.Жұмағұлов
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
