Маңғыстау полицейлері тексеріс кезінде көлік жүргізушісінен қару мен оқ-дәрі тәркіледі

Ақтауда облыстық полиция департаментінің арнайы іс-шарасы кезінде өзімен бірге тапанша алып жүрген көлік жүргізушісі ұсталды, деп хабарлайды mangystaumedia.kz облыстық ПД-не сілтеме жасап.

«27 шілде күні Маңғыстау облысы ПД экстремизмге қарсы іс-қимыл басқармасының қызметкерлері сағат 20:40 кезінде Ақтау қаласында 23 жастағы азаматты тоқтатты. Жедел-іздестіру іс-шараларын жүргізу барысында жүргізушінің қол сөмкесінен жауынгерлік тапанша табылды. Сонымен қатар, «Kia Sportage» маркалы көліктен 60 дана "РАК" маркалы 9 мм патрондар тәркіленді», - деп жазылған полиция департаментінің баспасөз қызметі таратқан ақпаратта.

Сондай-ақ, ұсталған жүргізушінің үйінен 1 дана атаусыз травматикалық тапанша, 720 дана "РАК", 40 дана "Барнаул", 30 дана "ГРОМ", 12-калибрлі 6 және "10Х24" деген жазуы бар 18 дана патрондар табылғаны белгілі болды.

Қазіргі уақытта аталған деректі Қылмыстық кодекстің 287-бабы 2-бөлігі бойынша Ақтау қаласы полиция басқармасы сотқа дейінгі тергеп-тексерудің бірыңғай тізіліміне тіркеген. Ал күдіктіге қатысты тиісті мінездеме жазу туралы бұлтартпау шарасы таңдалып, қажетті сараптамалар тағайындалды. Бұдан бөлек, күдікті азаматтың иелігіндегі көлік айыптұраққа қойылған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.