Қарақияда Роза Рымбаеваның мерейтойлық концерті тікелей эфирде өтіп жатыр

Бүгін Қарақия аудандық Мәдениет үйінде Қазақстанның еңбек ері, Қазақстанның халық әртісі Роза Рымбаеваның «Сахнада – 50 жыл» атты мерейтойлық концерті тікелей эфирде өтіп жатыр, деп хабарлайды mangystaumedia.kz.

Мәдениет үйіне жиналған халықтың қарасы қалың. Халық концертті өте жақсы қабылдап, әншімен бірге ән айтып, мерекелік кештің ажарын аша түсті. Сонымен қатар, тікелей эфирде өтіп жатқан концертті тамашалап отырған халық та өздерінің жылы лебіздерін білдіріп, мерекемен құттықтап жатыр.

Осыған дейін хабарлағанымыздай, Роза Рымбаева Маңғыстау облысының барлық қала, аудандарын аралап, өзінің ән кешін тұрғындарға ұсынады.

Әншінің гастрольдік сапары бүгін Қарақия ауданы, Құрық ауылы, аудандық мәдениет үйінде басталды.

9 наурыз күні сағат 17:00-де Түпқараған ауданы, Форт-Шевченко қаласы, аудандық мәдениет үйінде;

10 наурыз күні 18:00-де Бейнеу ауданы, Бейнеу ауылы, «Абыл» мәдениет үйінде;

11 наурыз күні 19:00-де Мұнайлы ауданы, Маңғыстау ауылы, Ф.Оңғарсынова атындағы мәдениет үйінде;

12 наурыз күні 19:00-де Жаңаөзен қаласы, «Мұнайшы» мәдениет үйінде;

13 наурыз 17:00-де Маңғыстау ауданы Отпан тауда;

14 наурыз күні 20:00-де Ақтау қаласы Амфитеатр сахнасында жалғасады.

Айта кетейік, концертке кіру ТЕГІН!

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.