Қара бура «Дала қыраны» титулын жеңіп алды

5 қараша күні Астана қаласындағы
Жақсылық Үшкемпіров атындағы «Жекпе-жек» сарайында өткен қазақ күресінен «Дала қырандары» республикалық турнирінде Нұрдәулет Жарылғапов жеңімпаз болды, деп хабарлайды mangystaumedia.kz.

Маңғыстау облысынан сынға түскен "Қара бура" лақап атымен танымал Нұрдәулет Жарылғапов 100+ салмақ дәрежесінде жеңімпаз атанып, “Дала қыраны” титулын алды.

Имидждік додада ҚР чемпионаты, ҚР кубогы және рейтингтік жарыстарда 8 салмақ дәрежесі бойынша ең жоғары ұпай жинаған балуандар сынға түсті.

Нұрдаулеттің жеке бапкері, МО ұлттық спорт түрлері орталығының директоры Қайрат Бурбасовтың айтуынша Нұрдаулет 3 белдесу өткізіп, алғашқы белдесулерінде Алматы қаласының спортшысы Жансерік Жұмабайды және қарағандылық Сержан Бейсенбаевты ұтса, ақтық кездесуде Алматы облысының спортшысы Мади Еділбаевтан басым түскен.

Жарыстың 8 жеңімпазы “Дала қыраны” титулы мен өз салмағының “Бас балуаны” атағына ие болды. Сондай-ақ, оларға желтоқсан айында елорда да өтетін Әлем чемпионатына жолдама және қаржылай сыйақы табысталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.