Дәрігерлер жанармай бекетінде зардап шеккен тұрғынның жағдайын айтты

29 жастағы ер адам денесінің 20 пайызын күйік шалған, - деп хабарлайды mangystaumedia.kz Маңғыстау облыстық көпбейінді ауруханасының баспасөз қызметіне сілтеме жасап.

- Науқастың жағдайы салыстырмалы түрде қанағаттанарлық. Зардап шегушінің сол жақ білегі, тобығының беткейі күйген. Оған барлық қажетті ем-дом, таңу, күтім көрсетіледі. Осы аптаның соңында шығады деп күтілуде, - деп хабарлады облыстық аурухананың баспасөз қызметі.

Еске салайық, Маңғыстау облысының Төтенше жағдайлар департаменті хабарлағандай, 30 шілде күні таңертең Ақтау қаласының 3 шағынауданында жеңіл көлік өртеніп кеткен. Оқиға "LPG TRADE" жанармай құю стансасының аумағындағы №3 өндірістік аймақта болған. «ВАЗ-2131» көлігі жанармай құю кезінде жарылып кеткен. Жалын жақын жерде тұрған Toyota Tundra sr5 көлігіне тиген. Салдарынан 29 жастағы ер адам термиялық күйікпен ауруханаға жеткізілді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.