Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бір жыл бұрын Yessenov университетінде ашылған Huawei ICT Academy 255 студентке білім берді, - деп хабарлайды mangystaumedia.kz сайты.
Yessenov University-де ашылған ICT Academy аймақтың цифрлық болашағы үшін мықты таланттарды шығаруға септігін тигізеді. Маңғыстаулық түлек Оралбай Өтебай Huawei ICT Competition 2022-2023 Eurasia финалына шыққан үздік білім алушылардың бірі. Ол «Есептеу техникасы және бағдарламалық қамтамасыз ету» БББ оқиды. Компания студентке Huawei watch сыйлығы табыстаған.
Айта кетейік, Huawei ICT Academy кез келген мамандықтағы барлық Yessenov University білім алушысы қатыса алады. ICT академиясын соңғы технологиялар мен Huawei электрондық оқу ресурстарына, салалық стандартты модельдеу құралдарына қол жеткізуге, студенттер үшін салалық стандартты ICT оқыту және сертификаттауға мүмкіндік береді. Сонымен қатар мастер-кластар, семинарлар, салалық сапарлар және ICT жарыстары жүргізіледі. Ең бастысы Huawei-де жұмыс істеп, тағылымдамадан өтуге жол ашылады.
- Қазақстанда 23 университет еңбек нарығында мойындалған сертификаттау курстары мен іс-шараларын ұсынатын Huawei компаниясының ғаламдық бағдарламасы ICT академиясымен серіктес. Huawei Technologies Kazakhstan компаниясымен Ғылым және жоғары білім министрлігі атынан ортақ меморандумға қол қойылды. Алдағы үш жылда Huawei Қазақстандағы цифрлы білім деңгейін ілгерілету үшін ICT академиясын дамытады. Еліміздің жетекші университеттерінде ынтымақтастық аясында 50-ден астам Huawei академиясы құрылады деп күтілуде. Бұл академиялар еліміз бойынша 5000-ға жуық студентті оқытады деп жоспарлап отырмыз, - дейді ҚР Ғылым және жоғары білім министрі Саясат Нұрбек.
Айтуынша, оқыту нәтижесі бойынша студенттер халықаралық деңгейде мойындалған Huawei сертификатын ала алады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.