Биыл елімізде наурыз мерекесі ерекше аталып өтпек

Ертең, 14-наурыздан бастап елімізде «Наурызнама» деп аталатын 10 күндік мерекелік науқаны жүреді. Он күннің әр күніне атау беріледі.

Мәселен, 14-наурыз – «Көрісу күні – Амал мерекесі». Ал, 15 наурыз – «Қайырымдылық күні». Бұл күні ел болып көмекке мұқтаж жандарға жаппай жәрдемдессек, 16 наурыз – «Мәдениет және ұлттық салт-дәстүр күні». Мәдениетімізді, өнерімізді бен ұлттық құндылықтарымызды насихаттаймыз бұл күні.

17 наурыз – «Шаңырақ күні». Бұл күні отбасылық құндылықтарды насихаттау мен адамгершілікке тәрбиелеуге бағытталған мәдени шаралар өтеді. Бұдан өзге «Ұлттық киім күні», «Жаңару күні», «Ұлттық спорт күні», «Ынтымақ күні» деп атынан-ақ мерекелік күннің тақырыбы менмұндалап тұрған атаулы күндер арнайы белгіленіпті.

Ал, 22 наурыз – «Жыл басы». Бұл күні өңірлерде этникалық ауылдар құрылып, ұлттық мәдени-спорттық шаралар мен жәрмеңкелер өтеді. Ал, 23 наурыз – «Тазару күні». Наурыз мейрамының соңғы күні –Қазақстанның барлық аймақтарында жалпыұлттық экологиялық акция өтеді.

Жаңа жыл құтты болсын, ағайын!

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.