Белгілі қаламгер Мырзағали Іңірбаев өмірден озды

Маңғыстау облысының әкімдігі, Маңғыстау облыстық мәслихаты, Маңғыстау облысының Қоғамдық кеңесі, облыстық Ардагерлер кеңесі белгілі ақын, жазушы Мырзағали Іңірбаевтың қайтыс болуына байланысты туған-туыстарының қайғысына ортақтасып, көңіл айтады.

Мырзағали Іңірбаев 1952 жылы 19 қыркүйекте Маңғыстау облысы, Маңғыстау ауданы, Шайыр ауылында дүниеге келген. 1971 жылы Ақтөбе теміржол училищесін, 1981 жылы әл-Фараби атындағы Қазақ мемлекеттік университетінің журналистика факультетін тамамдаған. 1988 жылы Алматы Жоғары партия мектебін бітірген. Маңғыстау облыстық «Маңғыстау» газетінде бас редактордың орынбасары, облыстық комитеттің, аудандық партия комитетінің нұсқаушысы, бөлім бастығы, «Маңғыстаумұнайгаз» АҚ бөлім басшысы болып қызмет атқарған.

Өлеңдері «Балауса», «Бес қоңырау», «Қарлығаш», «Жетіген» ұжымдық жыр жинақтарында жарияланып, «Туған ел» (1999), «Уақыт астындағы тамырлар» (2002) кітаптары жарыққа шықты. 2008 жылы «О, данышпан дүние» атты 3 томдығы жарық көрген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.