Аязда ақтаулық оқушылар автобусты бір сағат күткен

Облыс әкімдігінің Telegram-чатына ақтаулық тұрғын қоғамдық көліктің қозғалыс интервалына шағымын жолдады, деп хабарлайды mangystaumedia.kz

Оқушылар аязды күні дірдектеп бір сағат бойы автобус күту машақатын бастан өткерген.

-6 ақпанда таңғы сағат 6: 50-де біз аялдамаға келдік, №8 автобусты күттік. Бізден бұрын келген мектеп оқушылары да болды. Ырғалып келе жатқан автобустың қарасы 7: 30-да әрең көрінді. Қатты тоңдық, таңертең ауа температурасы -5 болған еді. Бұл не деген бассыздық. Оқушылар мектепке, ал қызметкерлер жұмысқа кешігіп келді", - дейді тұрғын.

"Каспий Авто паркі" ЖШС бұл жағдайға байланысты түсініктеме берді.

Аталған автобус жүргізушісі өз денсаулығына байланысты қызметіне бір сағат кеш кіріскен.

- Жүргізуші науқастанып, бір сағаттан кейін жұмысқа кірісті. Біз рейсті кешіктіргеніміз үшін кешірім сұраймыз, - дейді "Каспий Авто паркі" ЖШС өкілдері.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.