Ақтаудағы емханада жылу батареясы жарылды

Бүгін, 20 желтоқсан күні 8.00-де №2 Ақтау қалалық емханада жылу батареясы жарылып, ғимарат ыстық су астында қалды, деп хабарлайды mangystaumedia.kz сайты.

Куәгерлердің айтуынша емхананың 2-қабатындағы жылу батереясынан атқылаған ыстық судың салдарынан ғимараттағы тоқ тұйықталған.

Ал №2 Ақтау қалалық емханасы науқастың бірі абайсызда жылу батареясының су, ауа шығаратын бөлігін сындырып алғанын мәлімдеді. Содан кейін ғимарат ішін су басып, 1-блокта жарық пен жылу жүйесін өшірген. Ал қазір жөндеу жүріп жатыр.

- 8 кабинетке электр қуатын беріп тұрған щитке толық жөндеу жұмыстары жүргізіліп жатыр. 8 кабинеттің тоғын жөндеу жұмыстары аяқталған соң ақпарат беріледі. Басқа кабинеттер толық жұмысын жалғастыруда, - деді емхана өкілдері.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.