Ақтаудағы автожол уақытша жабылады

Жолдың жабылуы құбырларды жөндеу мен тұрғын үйлерге жылу беру жұмыстарымен байланысты, деп хабарлайды mangystaumedia.kz

“Ақтау қалалық құрылыс бөлімі тапсырысымен 31А шағын ауданындағы тұрғын үйлер мен №30 мектепке жылу қуаттылығын арттыру мақсатында қолданыстағы жылу құбырын жаңарту жұмыстары басталды.

Осыған орай, аталған аумақпен жүретін маршруттардың жүру бағытында уақытша өзгерістер болады” делінген хабарламада.

1) №2 маршруты 31 және 31А шағынаудан арқылы келіп, бұрынғы бағытына (Олжа сауда орталығына қарай) түседі.

2) №5 маршруты 31 және 31А шағынаудан арқылы келіп, бұрынғы бағытына («Нұр Плаза» қонақ үйіне қарай) түседі.

3) №107 маршруты 31 және 31а шағынаудан арқылы келіп, бұрынғы бағытына (Шотан Батыр ескерткішіне қарай) түседі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.