Ақтауда жоғары қабаттан құлаған әйелдің өліміне қатысты тергеу басталды

Ақтаудың көпқабатты үйлерінің бірінен әйел адамның құлауына қатысты қылмыстық іс қозғалды, деп хабарлайды mangystaumedia.kz.

Куәгерлер әйелдің 19 шағынаудандағы 40-үйдің 9-қабатынан құлағанын көрген. Сондай-ақ олар әйел адамның оқиға орнында жан тапсырғанын айтады.

Полицейлер «Өзін-өзі өлтіруге дейін жеткізу» бабы бойынша қылмыстық іс қозғаған.

- Аталған дерек бойынша өзін-өзі өлтіруге дейін жеткізу бабымен қылмыстық іс қозғалды. Тергеу амалдары жүргізіліп жатыр. Тергеу мүддесіне байланысты өзге ақпарат жария етілмейді, - делінген Маңғыстау облыстық полиция департаментінің хабарламасында.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.