Ақтауда жаңа аялдамалар салынды

Ақтауа жаңа 8 аялдама салынып, қолданысқа берілді. Сонымен қоса 1 ескі аялдама қайта жаңартылды, деп хабарлайды mangystaumedia.kz сайты қала әкімдігінің баспасөз қызметіне сілтеме жасап.

Қаладағы бұрын жабдықталмаған аялдамалар тұрғындарға ыңғайлы болу мақсатында жаңартылуда. Сонымен қоса 32«Б» ш/а 22 үйдің арты, 34«А» ш/а «Батыр» спорт кешенінің алды, 32 ш/а Ш. Есенов спорт кешенінің алды, 13 ш/а 2 үй арты, 26 ш/а «Мешіт» алды, 11«А» ш/а «Айып тұрағы»(Штрафстоянка), 3 ш/а Энергетик колледжінің алды мен 29 ш/а «Аққаламол» сауда орталығына қарама-қарсы жолға және 1 ш/а «Дружба» ғимаратының алдына 9 заманауи аялдама орналастырылды.

Қала әкімдігінің хабарлауынша, жаңа аялдамаларда тұрғындар тынығып отыру үшін орындық, көлеңке мен жаңбырдан қорғануға арналған бастырма бар.

-Бұрын бұл аялдамалар жабдықталмаған болатын. Тұрғындардың өтініші бойынша аялдамаларды жабдықтадық. Тоғыз аялдаманың ішінде біреуінің ғана ескі темір аялдамасын ауыстырдық. Жоба бюджет қаражаты есебінен жасалды,- деді Ақтау қалалық жолаушылар көлігі және автомобиль жолдары бөлімінің бас маманы Жалғас Мейілов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.