Ақтауда уәде етілген ауыз су әлі жоқ

Ақтауда 13 шағынауданның тұрғындары ауыз сусыз қалды. Бұл туралы тұрғындар «Маңғыстау облысының әкімдігі» Telegram чат-каналына жазып, шағымдануда, - деп хабарлайды mangystaumedia.kz сайты.

- Су қайда? Сағат 00:00-ден асты, ыстық су да, ауыз су да әлі жоқ. Ауыз суды сағат 21:00-де беріледі деп уәде берген еді. Енді бұл не мазақ? Қаланың жартысы ауыз сусыз қалды», – деп жазады қала тұрғыны Наталья.

- Су жоқ, жылу да әлі берілмеді. Ертең жұмысқа барамын, ал балалар мектепке барады. Не істеймін? Су әлі берілмейтінін неге алдын ала ескертпеді? Енді бұған кім жауапты болатыны белгісіз, - деп жазды тұрғындар.

«ҚЖСА» МКК тұрғындардың арыз-шағымына қатысты түсініктеме берді.

- Магистральдық ауыз су құбырындағы жөндеу жұмыстары аяқталып, құбыр толтырылды. Сағат 00:30-да орталық сумен жабдықтау орталығы-3-те ауыз судың қысымын арттыру үшін сорғылар іске қосылады. Келтірілген қолайсыздық үшін кешіріңіз», - делінген хабарламада.

Еске сала кетейік, ауыз су магистральдық құбырдағы апатты жөндеу жұмыстарына байланысты тоқтатылған болатын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.