Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтауда қала әкімдігінің ұйымдастыруымен қоғамдық тамақтану орындарының талапқа сай жұмыс істеуі бойынша түсіндірме жұмыстары жүргізілген болатын. Бұл жұмыстардан кейін 8-шағынауданда орналасқан кәуапхананың иесі сүзгі-желдету блогы бар ауа тазарту қондырғысын орнатты, деп хабарлайды mangystaumedia.kz қала әкімдігінің баспасөз қызметіне сілтеме жасап.
2024 жылы 26 сәуір күні мамандар кәсіпкерлерге әртүрлі иістер мен от түтіндердің алдын алу бойынша түсіндірме жұмыстарын жүргізген болатын. Осы шараға қалалық кәсіпкерлік және ауыл шаруашылығы бөлімі, қалалық санитариялық-эпидемиологиялық бақылау басқармасы, Ұлттық сараптама орталығының мамандары және қалалық төтенше жағдайлар басқармасының қызметкерлері қатысты. Шара барысында ұлттық сараптама орталығының мамандары түтіннен бөлінетін ауадағы зиянды заттар көрсеткіші бойынша лабораториялық зерттеу жүргізген болатын.
-Кәсіпкерлер жұмыс жасайтын мангалда, тандырларда міндетті түрде түтін мен иістерді сіңіретін сүзгі-желдету блогы бар ауа тазарту жүйесін қолдану керек. Тұрғындардан түскен арыз-шағымдарға сәйкес жүргізілген түсіндірме жұмыстарынан кейін 8-шағынауданда орналасқан кәуапхананың иесі түтін мен иістерді сіңіретін сүзгі-желдету блогы бар ауа тазарту қондырғысын орнатты. Түсіндірме жұмыстары алдағы уақытта да ұйымдастырылатын болады, - деді Ақтау қалалық санитариялық-эпидемиологиялық бақылау басқармасының басшысы Қолқанат Есмұрзаева.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.