Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтауда спорт күні мен Маңғыстау облыстық дене шынықтыру және спорт басқармасының 50 жылдық мерейтойына орай велошеру өтті. Оған 100-ден астам қала тұрғыны қатысты, - деп хабарлайды mangystaumedia.kz сайты Қоғамдық коммуникация орталығына сілтеме жасап.
Велошеру «Самал» шағынауданынан басталып, Ақбота паркінде аяқталды. Қатысушылар 6 шақырымды еңсеріп шықты. Маңғыстау облыстық дене шынықтыру және спорт басқармасының басшысы Қанат Жұмабаевтың айтуынша, велошерудің мақсаты - салауатты өмір салтын қалыптастырып, тұрғындарды спортқа тарту.
- Спорт күні қарсаңында облыс көлемінде 30-ға жуық спорттық іс-шара ұйымдастырылуда. Солардың қатарында велошеру де бар. Шараға өз еркімен қатысуға ниет білдірген жандар бар күш-жігерін жұмсады. Алдағы уақытта велошеруді жиі ұйымдастыруды жоспарлап отырмыз. Айта кету керек, өңір велоспортшылары - Дмитрий Носков пен Сергей Пономарёв 2024 жылы өтетін олимпиада ойындарына жолдама алуға үміткер. Қыздар арасында Динара Бақтыгерей велотректен ҚР чемпионатында 13-14 жас аралығында қола жүлдегері атанды. Сондай-ақ Ақтау қаласында 2022 жылы велоспорттан ҚР чемпионаты өткен болатын, - деді Қанат Жұмабаев.
Велошеруге қатысуға өз еркімен ниет білдіргендердің қатарында ақтаулық Шыңғыс Елжанов та бар. 23 жастағы қатысушы «Спорт - денсаулық кепілі» деген ұстанымды ұстанады.
- Велошеруге өзім қызығушылық танытып, арнайы қатыстым. Басты мақсат - денемді шынықтырып, спортты жаныма серік ету, қала тұрғындарын осындай спорттық шараларға ат салысуға шақыру еді. Мақсатым орындалды. Бүгінгі шарада өзге велошерушілердің деңгейі өте жоғары болды. Сондай-ақ ұйымдастырушыларға велошеру үшін алғыс білдіргім келеді. Алдағы уақытта да қатысуға ниетім бар, - деді Шыңғыс Елжанов.
Қатысушыларға облыстық дене шынықтыру және спорт басқармасының атынан арнайы сертификат беріліп, естелік сыйлық табысталды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.